ફરાળમાં ઉપયોગી એવા સ્વાદિષ્ટ એવા બટેટાના પાપડ રેસિપી જોઈને બનાવી લો, આખું વર્ષ ચાલશે…..

116
home-made-bateta-na-papad

બટેટાના પાપડ

આખા વર્ષ માં અત્યારે બટેટા વધુ સારા અને મોટા પ્રમાણ માં જોવા મળે છે. એટલે જ આ સીઝન બટેટા ની વેફર , બટેટા ની સેવ અને બટેટા ના પાપડ બનાવવા માટે ની ગણાય છે. અને આ સીઝન માં તાપ પણ વધારે હોય છે એટલે સુકવણી પણ બરાબર થાય છે .

અલગ અલગ પાપડ માં બનતા બટેટા ના પાપડ મારા ફેવરીટ છે. ઉપવાસ માટે આ પાપડ ખાસ બનાવતા હોય છે અને બાકી આખું વર્ષ તમને મન થાય ત્યારે ખાઇ શકો છો. તો આજે જ આ બટેટા ના પાપડ ને બનાવી ને આખું વર્ષ સ્ટોર કરી લો . બનાવામાં ખૂબ જ સરળ અને સ્વાદિષ્ટ એવા બટેટા ના પાપડ ની રેસિપી જોઈ લઈએ.
આ પાપડ ની બીજી ખાસિયત એ છે કે ખૂબ જ જલ્દી થી બની જાય છે. ખીચિયા પાપડ કરતા બનાવામાં ઘણા સરળ છે.

બટેટા ના પાપડ ની સામગ્રી:- (12 નંગ પાપડ બનશે)

  • 1/2 કિલો મોટા બટેટા,
  • 4-5 લીલાં મરચાં,
  • 1 કપ ઝીણી સમારેલી કોથમીર( ધોઈ ને કોરી કરેલી),
  • 1 ચમચો જીરુ,
  • મીઠું સ્વાદાનુસાર,
  • ચપટી હિંગ( તમે ઉપવાસ માટે બનાવતા હોવ તો ના ઉમેરો),
  • 1-2 ચમચી તેલ પાપડ ના લુઆ બનવા માટે.

રીત:-
સૌ પ્રથમ મોટા બટેટા જે આપણે વેફર અને સેવ માટે પસંદ કરીએ છીએ એવા બટેટા લો . અને ધોઈ ને સાફ કરી ને કુકર માં બાફી લો. બહુ પાણી પોચા બટેટા ના થઇ જાય એનું ખાસ ધ્યાન રાખો. બાફી ને બટેટા ને 1-2 કલાક બહાર ઠંડા થવા દો. ત્યારબાદ છાલ નીકાળી ને બટેટા ને એક બાઉલ માં છીણી લો. હવે તેમાં લીલાં મરચાં ને ચીલી કટર થઈ ક્રશ કરી લો કે પછી મરચાંની પેસ્ટ ઉમેરો. ત્યારબાદ ઝીણી સમારેલી કોથમીર, જીરું, મીઠું અને હિંગ ઉમેરો.
હવે હળવા હાથે બધું મિક્સ કરોઅને જ્યાં સુધી બટેટા ચીકાશ પકડે અને કણક જેવું થાય ત્યાં સુધી અને મસળો.( જો તમે બટેટા ચીકાશ પકડે ત્યાં સુધી મસળશો નહીં તો પાપડ બનાવતા તુટી જશે)હવે જરા તેલ વાળા હાથ કરી ને નાના નાના લુઆ કરો. બધા લુઆ ઉપર તેલ લાગી જાય એ રીતે બનાવો.એક મોટું સાફ કરેલું પ્લાસ્ટિક પાથરો પાપડ મુકવા માટે. અને એક નાનું ચોરસ પ્લાસ્ટિક પાપડ થી થોડી મોટી સાઈઝ નું કટ કરો.પહેલા મોટું પ્લાસ્ટિક પાથરો અને બટેટા ના લુઆ જેમાં તેલ લગાવેલું છે એ મુકો. હવે લુઆ ઉપર નાનું પ્લાસ્ટિક મુકો અને હાથે થી બધું બાજુ પ્રેસ કરતા જાવા બને એટલો ગોળ શેપ આપો. બહુ જ આસાની થી પાપડ બની જશે.જો તમે ઇચ્છો તો બે પ્લાસ્ટિક વચ્ચે પાટલી- વેલણ માં અથવા પાપડ ના મશીન માં એક એક કરી ને પણ પાપડ બનાવી શકો છો. પરંતુ મારી રીત થઈ ખૂબ જ ઝડપ થી બનશે અને પાતળા પાપડ જ બનશે. જેમાં ખૂબ ઓછું તેલ લગાવી ને બની જશે.
હવે બધા પાપડ આ રીતે પ્લાસ્ટિક માં થોડા દૂર અંતરે બનાવી લો. અને 1-2 દિવસ માટે તાપ માં અથવા તો પંખા નીચે સુકવી દો. ઉપર નો ભાગ સુકાય એટલે પાપડ ને બીજી બાજુ ફેરવી દો અને એ સાઇડ પણ સુકવી દો. ખૂબ તાપ હશે તો 1 જ દિવસ માં પાપડ સુકાય જશે.સુકાય પછી બધા પાપડ એર ટાઈટ કન્ટેનર માં ભરી લો. મન થાય ત્યારે ગરમ તેલ માં તળી ને સ્વાદિષ્ટ પાપડ ની મજા માણો.

નોંધ:-  બટેટા બરાબર ઠંડા થવા દેવા. પાણી પોચા ના બાફવા. બટેટા વરાળે બાફશો તો બેસ્ટ રેહશે. બટેટા ના કણક માં જરૂર લાગે તો એક ચમચી તેલ ઉમેરો. બનવતાં પાપડ તૂટી જતા હોય તો કણક વધુ મસળી ને બનાવો. તમે કોથમીર વિના પણ પાપડ બનાવી શકો છો. આદુ ની પેસ્ટ પણ ઉમેરી શકાય છે. ધૂળ ના લાગે એવી જગ્યા પર પાપડ સુકવો. મેં ઘર માં અંદર પંખા નીચે પાપડ 4-5 કલાક રાખી ને જરા સુકાય પછી બહાર તાપ માં રાખ્યા હતા એટલે માટી ના લાગે.

રસોઈની રાણી : જલ્પા મિસ્ત્રી (અમદાવાદ)

પોસ્ટને શેર કરો તથા લાઇક કરો અમારું પેજ fb.com/dealdilcom

www.dealdil.com પર મુકેલા GUJARATI BOOKS માંથી કોઈપણ GUJARATI BOOK ઘેર બેઠા મેળવવા માટે તેની IMAGE (ફોટો) અમને 08000057004 પર WhatsApp કરો અને સાથે તમારું પૂરું નામ,  સરનામું અને પીનકોડ સાથે ContactNumber અને Email Address અમને મોકલો અમે તે Gujarati Book / Gujarati Books તમને COD (Cash on Delivery) થી મોકલી આપીશું. બીજી કોઈ માહિતી માટે અમને ફોન કરો 08000058004 પર અથવા WhatsApp કરો 08000057004 પર અમારા Customer Care. વિઝીટ કરો www.dealdil.com અને મેળવો દરેક GUJARATI BOOKS પર Minimum 10% DISCOUNT અને બીજી ઘણી Offars પણ.

જો તમારી પાસે પણ કોઈ રસપ્રદ વાત છે અથવા કોઈ રસપ્રદ માહિતી છે જે અન્યો સુધી પહોંચવી જોઈએ તેવું તમને લાગે, તો અમને લખી મોકલાવો અમારા Email: blog@dealdil.com પર. સાથે આવી અન્ય સકારાત્મક, રસપ્રદ અને પ્રેરણાત્મક સફર માટે અમારી સાથે જોડાઓ FacebookTwitter અને Youtube પર.

GUJARATI BOOKS ડિસ્કાઉન્ટ સાથે ખરીદો આલિંકપર ક્લિક કરી http://www.dealdil.com

Leave a comment