સોજી ઑટ્સ વેજ ઉત્તપામ બનાવવાની સરળ રીત, આજે જ બનાવો

111
soji-oats-veg-uttapam

રોજ સવારે બાળકોના ટિફિનમાં હેલ્થી શું આપીશું ? એ દરેક મમ્મીની મુંજવણ હોય છે.
સોજીના ઉત્તપામ બધા બનાવતા હોય છે પણ એમાં ઑટ્સ, વેજીટેબલ અને દહીં ઉમેરી ને તેને બહુ જ પૌષ્ટિક બનાવી દેતાં ઉત્તપામની રેસિપી આજે હું લાવી છું.

ઓટ્સમાં ભરપૂર માત્રામાં ફાયબર, વિટામીન, મિનરલ , એન્ટિઓક્સિડન્ટ આવેલા હોય છે. જે આપણા શરીર માટે બહુ જ ઉપયોગી છે. દહીં પણ એટલું જ ફાયદાકારક છે.

સાંજના જમવામાં પણ ફટાફટ બની જાય અને ઘર માં બધા ને ભાવે એવી આ રેસિપી છે.

સોજી ઑટ્સ વેજ ઉત્તપામ માટેની સામગ્રી:

11/2 કપ સોજી,
1 કપ ઓટ્સ ( બેઉના માપ સરખા પણ લઇ શકાય),
1 કપ દહીં,
1 કપ મિક્સ કલરના કેપ્સિકમ સમારેલા,
1/2 કપ ડુંગળી સમારેલી,
1/2 કપ ટામેટું સમારેલું,
2 ચમચા કોથમીર જીણી સમારેલી,
( તમે ગાજર, કોબી, કોર્ન, વટાણા પણ ઉમેરી શકો),
1 લીલું મરચું ઝીણું સમારેલું ( બાળકો માટે હોય તો ના ઉમેરો),
મીઠું સ્વાદાનુસાર,
1 ચમચી લાલ મરચું,
ચપટી હિંગ,
મિશ્રણ ( બેટર )બનાવા માટે છાશ કે સાદું પાણી.

રીત :

સૌ પ્રથમ સોજી અને ઓટ્સ એક બાઉલમાં લો.

તેમાં દહીં અને છાશ નાખી ને તેને જાડું મિશ્રણ બનાવો. 10-15 મિનિટ રેસ્ટ આપો.

પછી તેમાં સમારેલા કેપ્સિકમ, ટામેટાં, ડુંગળી , કોથમીર નાખી ને બરાબર મિક્સ કરો. હવે ફરીવાર જરૂર મુજબ છાશ ક પાણી ઉમેરી ઉત્તપામ બને એવું ખીરું બનાવો. તેમાં મીઠું , મરચું ,હિંગ ઉમેરી બરાબર મીક્સ કરો.

5 મિનિટ રેસ્ટ આપી ને ગરમ નોનસ્ટિક પેન માં ચમચા ની મદદ થી ખીરું પાથરીને

ને નાના નાના ઉત્તપામ બનાવો.

બેઉ બાજુ એકદમ ઓછું તેલ મૂકી ને ગોલ્ડન બ્રાઉન થાય ત્યાં સુધી શેકો.

આ ઉત્તપામ ને સોસ અને કોથમીર ની ચટણી સાથે પીરસો.

નોંધ:- ખીરું બહુ જાડું કે પાતળું ના બને એનું ખાસ ધ્યાન રાખવું.
બધું વેજીટેબલ એકદમ ઝીણું સમારવું.
બાળકો માટે ચીઝ વાળા પણ બનાવી શકો છો.

રસોઈની રાણી : જલ્પા મિસ્ત્રી (અમદાવાદ)

પોસ્ટને શેર કરો તથા લાઇક કરો અમારું પેજ fb.com/dealdilcom

www.dealdil.com પર મુકેલા GUJARATI BOOKS માંથી કોઈપણ GUJARATI BOOK ઘેર બેઠા મેળવવા માટે તેની IMAGE (ફોટો) અમને 08000057004 પર WhatsApp કરો અને સાથે તમારું પૂરું નામ,  સરનામું અને પીનકોડ સાથે ContactNumber અને Email Address અમને મોકલો અમે તે Gujarati Book / Gujarati Books તમને COD (Cash on Delivery) થી મોકલી આપીશું. બીજી કોઈ માહિતી માટે અમને ફોન કરો 08000058004 પર અથવા WhatsApp કરો 08000057004 પર અમારા Customer Care. વિઝીટ કરો www.dealdil.com અને મેળવો દરેક GUJARATI BOOKS પર Minimum 10% DISCOUNT અને બીજી ઘણી Offars પણ.

જો તમારી પાસે પણ કોઈ રસપ્રદ વાત છે અથવા કોઈ રસપ્રદ માહિતી છે જે અન્યો સુધી પહોંચવી જોઈએ તેવું તમને લાગે, તો અમને લખી મોકલાવો અમારા Email: blog@dealdil.com પર. સાથે જ આવી અન્ય સકારાત્મક, રસપ્રદ અને પ્રેરણાત્મક સફર માટે અમારી સાથે જોડાઓ FacebookTwitter અને Youtube પર.

GUJARATI BOOKS ડિસ્કાઉન્ટ સાથે ખરીદો આલિંકપર ક્લિક કરી http://www.dealdil.com

Leave a comment